靈魂の外

2009的[雞蛋仔]

soul_eyes — Sun, 04 Jan 2009 12:54:03 +0800

又要將所有公司既資料更改為2009了!!
現代化底下都要由精明既人類核實一下.
2009年第一樣懷念既竟然係[雞蛋仔],
記得兒時最愛食既食物之一,
我地喜歡用羽毛球拍夾住塊毛巾仔扮賣雞蛋仔,
依加諗起都好開心,
雖然家下d雞蛋仔味道五花八門,
但我依然鐘情原味!!
濃濃既蛋香,外面金黃裏面軟軟的!!!!
小時候既玩意,食物的味道..........
所有都係由簡簡單單做起!!
今日變得多元化了!!
係因為人心既吾滿足而改變,
到最後失去原來既味道!!
可笑既係每人同喜歡[鍾sir]-尋找他鄉的故事,
除了感情外人多貪新!!!
[以前]既回憶會因為年紀而褪色,
但吃下肚的味道可以令人感動!!!!!!!!

2009年1月1日在街市買了一餅雞蛋仔,
坐在小巴上邊吃邊看風景!!!!一樂也!!!

December

soul_eyes — Tue, 02 Dec 2008 10:30:40 +0800

12月了!!!!!!!!!牆上年曆上的最後一頁!!!!
歡愉的12月
冬至.聖誔......吃喝玩樂的月份
最多假期的月份
擁有31日而不討厭的月份
感慨的12月
又快完了一年
一年裏計算有多少做了同未做的月份
例行檢討後悔與無悔然後再度遺憾的月份
期望人工上升的月份

祈望12月節日的氣氛能冲淡海嘯後的灰濛吧!!!!

認證身份

soul_eyes — Thu, 27 Nov 2008 07:59:20 +0800

最近幫做社工既朋友當了一天義工,
但感到沒甚麼意義,
當貪念慾望在人的面上出現時........
那比野獸更無情!!!
朋友體恤地安撫了我說,
當每天都生活在朝不保夕,今餐飽下餐徬徨時,
就等於困在籠中的萬獸之王!!見怪不怪!!!
[從來不]不等於[從不]又一個明白!!!!!!!!!!!

天氣轉涼呼吸系統又要亮起紅燈,
放工既時候,
見到一位潮媽站在寒風下喝駡那約3/4歲的兒子,
她那小魔怪頭昂昂卻默不出聲!!
潮媽聲嘶的聲音很煩呢??
大人呀大人!!我的眼中你是巨人,
會滿足我的巨人,我怎能不逆來順受呢!
我不反駁只是今日我身為小人國的子民而已,
若干年後我們的位置可得對調啊!!
等著瞧吧!~!!!!!
腦內不自覺的出現了這段幻篇..........哈哈!

薰衣草

soul_eyes — Mon, 20 Oct 2008 08:35:06 +0800

因為電影薰衣草,喜歡了薰衣草!!
亦曾在日本薰衣草叢中,像小孩般雀躍!!!
書本內還藏着從那採回壓着的薰衣草...........
但.......當發覺香水瓶背後,柔順劑內,除臭劑.........
全是薰衣草的味道時!!!!!
原本紫色浪漫的薰衣草被濫用得如此淋漓盡致,
所有美好的.......最後也變成過度........
罕有的....有限的.....奢侈的.....永遠都顯得尊貴!!
原因只不過並不是每個人都能擁有.
自私是人性之一,
不需表揚也不能刻意隱藏!!!!!!!!!!!!!
假如每人身邊真的有一位天使,
請告訴我你喜歡甚麼氣味.................

在陳慧琳的薰衣草和紫色的床單,
徵微的秋風暖暖的陽光,
慵懶得沒法抗拒下的亂語............

早上的優哉游哉

soul_eyes — Fri, 17 Oct 2008 11:14:27 +0800

睡多了不想再睡........
       站多了想坐下來........
靜久了想吵一點.......
      工作忙想偷偷溜掉......
單調乏味時想變得精彩........
      無聊了想身旁多一人.............
煩厭裏還是獨自美麗........................
      今朝真的很無聊,無聊得覺得過份遊閑,
優哉游哉的生活是好還是...............

盡管野蠻

soul_eyes — Wed, 15 Oct 2008 12:26:09 +0800

係中環街上面見到一對小小情人,
女的野蠻到絕頂,男既顯手捉無措........
佢地原全陶醉自己既世界,
視旁觀者如無物!!!
坦白說我亦多謝小情侶在沉澱無聊的下午,
帶來這精彩的娛樂!!!
記得我阿姨經常同我和姐姐講,
女人有野蠻既權利,
但要懂得野蠻的道理,
適當的野蠻會令女人變得特別討好,
選擇正確野蠻的對像更加會令自己變成公主,
只有幸福的女人才有野蠻的特性,
有一日發覺自己囂張拔护,盡管野蠻吧!!!
因只有愛還黏着時野蠻才可愛!!!
如果有一個男子能忍受得了妳,
就跟他一輩子好了!!!!!!!!!!!!!!!!!
阿姨好像忘了告訴我們人心是極度難測,
就正如eason 歌裏有句...
「誰又會相信一生一世這膚淺對白」
對我來說盡管做的只是滿足今天的你我他!!!!

意

soul_eyes — Tue, 14 Oct 2008 12:05:13 +0800

吾開心既時候,會特別有創作意念!!
忙碌既時候,腦入面就會湧出好多歪念!!
人其實被意思支配,
每件事就會變得合情理,
稍微既逆轉就被壞左人基本意念程式,
有人樂意破解,有人卻為此而執迷!!
今日心情意念其好,
世界也隨之而美好得多!
依刻腦內意式灰濛,
喜事樂事也能用1000000個理由去拖垮!!!
早上秋意好濃,同手上既熱朱古力好襯,
就連匙羹牽起既漣綺,都帶出浪漫既甜味,
相信我又被[意]控制了!
anyway無咩壞處,
我都係適合超庸懶既生活方式,
依個係我每日薰陶自己的意念,
強調自己的感受同意思,
都算係一件快樂而又令人樂意去完成的工作!!
........無聊既早餐下的胡思........

給細佬的一封信

soul_eyes — Sat, 04 Oct 2008 07:54:52 +0800

親愛既靚仔細佬:
                  由你從BB房第一眼見到你,我只係覺得這洋娃娃
                  是我的玩伴,到你漸漸長大,慢慢明白我既責任!!
                  記得你出世到今日,每個人都讚你靚仔,嫉妒中帶
                  點光榮,在你人生既旅途上,不時遇到波折,慶幸
                  你遺傳了母親樂觀既性情,可惜既係你未能左錯
                  折中領略智慧,眼看你不斷重覆又重覆的錯,令我
                  感到好憤怒同心痛,幫得到你的吾係問題,但絕對
                  吾能夠老是幫你收拾爛攤子,可能因為你係我細佬,
                  總覺得你應該比別人更勝一籌,你可以懷才不遇
                  但絕吾能夠一事無成,讀書叻吾叻天注定,但懶就
                  係自己既問題,世界吾會比機會你依種無準備既人,
                  你記住你外面係點你既事,對屋企你要付上做男人的
                  責任,畢竟你係家中唯一的男人,愛錫你既母親,
                  漫長單親的路上,她已付出很多,而你是她最痛錫的,
                  吾好再令她痛心!!最後想說的愛情沒了沒有甚麼大不了,
                  你還年青又靚仔,來日方長,好好鞏固自己知嗎??
                  有本事既男人先有權選擇最好的!!!!!
                  開朗的你要快快從傷心走出來呀~
                                                             永遠愛你的家姐

拍拖。分手的季節

soul_eyes — Fri, 03 Oct 2008 08:03:54 +0800

依個星期不停聽到拍拖喇同分手喇!!
就連我既靚仔細佬都凑熱鬧拍拖,
可能秋天總係令人多愁善感,
拍拖同分手都特別有詩意!!
亦可能冬天將臨,
依個時候揾得黎就岩,
香港既秋天黎得快走得更快,
有時更加來去無蹤!!
不過我仍然喜歡一人晚餐,
可能少左被愛沉溺的浪漫,
愛有太多種還未太渴求,
我仍然喜歡孤單的美,
秋天這季節只是黃葉秋風的紅塵飛舞,
讓浪漫的人開心與傷心的季節!!!

駕禦

soul_eyes — Thu, 25 Sep 2008 07:12:18 +0800

高估自己的能力,
以為擁有超强的駕禦力,
以為沒有難到自己的事,
以為凡事能掌控..........
事實是把自己推進掘頭巷,
把自己殺得片甲不留,
自討沒趣的行為,
最後算是自作孽還是活該!!!
從沒為自已的决定而後悔,
我行我素也難掩失落的淚水,
明知而故犯原來真的那麽令人難過,
抽身會否是最好的,
可駕禦的卻被駕禦,甘心嗎??
朂後的下場應是怎樣!!!!!!!!!!!!!

無花果

soul_eyes — Fri, 19 Sep 2008 08:21:30 +0800

喜歡一d特別既野既我,
好喜歡[無花果]依個名,
左定律底下開花就自然結果,
唯獨無花果卻要打破自然既框框!!
所以無花果的身價也位於上品!
在繁華盛世下,
每件事情都變得越軌,
吾洗急最緊要快嗎?!!
開始/結果就足夠,
過程的存在似乎只作日後推瀉責任之用,
時下的愛情就正如無花果,
空洞洞的........甜而帶酸!!!
以上是在一碗無花果雪耳糖水下所寫的一段無聊話!!

限量

soul_eyes — Tue, 16 Sep 2008 08:01:21 +0800

限量即有數量限制的物品,物以罕為貴,
所以通常限量既野特別矝貴,
其實世界每樣野都可以係限量and不限量,
好似男同事A話近來認識左好乖既女朋友,
現在少至又少.........限量版.....絕版......
唉!!女人一個!!!!若干日後佢就會嫌3嫌4......
Boss買左限量版既心頭好,
最後金錢掛帥下該產品再推出某數量,
唉!!限量只係一個詞彙,
操縱限量一詞的係人類,
人喜歡將心愛的都定為限量品,
而這類限量品在其他人眼中可能如沙般平凡,
只有在乎它的才感受得到那限量的價值,
常言道-千金難買心頭好!!!!
這些限量品絕對滿足人類霸道及自傲的心理呀!!

心情浪盪

soul_eyes — Fri, 05 Sep 2008 08:33:18 +0800

秋意漸濃.......人都變得多愁善感!!
自細就好喜歡食應節的食品!!
吾喜歡冰皮月餅既超現代化,
傳統的月餅有種親切温暖既吸引力,
重有３個月又過一年了!
時間過得真係好快.
我做過咩......未做到咩.........
工作正常生活正常..................
平凡簡單正好配合我行我素既性格,
生活真係令人疲累,
要找[桃花源]相信只能去幫襯同名的商店,
滿足一下自己!!
無聊咁係雪櫃拿了一杯乳酪,
手上既書..................多謝你地.......
你地正在安撫那心情浪盪的我!!!

天水圍城

soul_eyes — Tue, 05 Aug 2008 12:51:27 +0800

因近來工作關係每日都要來回天水圍,
對我依個過客黎講天水圍既配套真係好好,
可能被冠上[悲情城市]後既有所改變!!
我喜歡坐著輕鐵來個[天水圍城],
在某站與某站中間有一遍小小形成三角的地方,
完本好似亂草石地,某日經過突然眼前一亮,
長出一遍如稻穗的草,淡淡的豆沙紅襯托翠綠的葉子,
每次我都好祈待經過果度!!
空曠的地方好多,村內的園藝設計好吸引,
除了公屋外,豪宅也不乏!!!
大型小型商場,酒店都有,
返大陸及去元朗都好方便,對外都吾差,
吾計車程長短,都可以呀!
發覺學校品種都好齊全,公私各派都有!!!
天水圍游泳池簡直可比美九龍果個,
(如果屯門泳池係咁就好了!!!)
籃球場足球場又大又多,
仲有濕地公園同燒烤樂園........
要有多美有多美!!
當然在每個社區中都有一定的貧窮線,
况且家家有本難說的話,要挑剔的芝麻也可被批!!
住在那裏的人應該好好珍惜你們如此美麗的地方,
過客們亦應該學懂欣賞天水圍的美!!

男人的謊言

soul_eyes — Sun, 27 Jul 2008 10:37:20 +0800

好友正為著明知男友說謊但又拿不到証據在苦惱...........
聽多了真的有點煩悶!!
坦白說若然把自己哄得高高興興,還在乎他甚麼呢??
想想這男人正落カ討好自己,樂在其中,
又何必斤斤計較,心知肚明自己小心點吧!!!!
[明知]又怎能稱做[騙]呢?如果[明知]妳老早解决了他吧!!
男人最自傲的就是能左右逢緣,而沒被人發覺!
他們的謊言除了為他們免卻麻煩外,
還帶給他們一種刺激感一種成功感,
男人果然是憑感觀做人的動物!!
其實男人說謊女人也要付上一點責任,
因為妳們愛聽[美麗的謊言],
[那女人美還是我美]老實說不用問也知答案,
答別的女人就簡直同自己過不去!!
男人無論愛與不愛都會善用謊言去保障自己的自由,
這並不是自私只是適者生存的道理,
男人女人都愛說謊話,只要一個肯接而另一方肯受!!
男人喜歡說謊話同時也愛聽謊話,
不過你們的成功並不是因為有我們這群蠢女人,
而是我們愛別人討好自己也愛討好別人而已!!!
奉勸各位朋友世上沒有無情無義的,
只在乎你/妳選擇[謊言]還是[實話]。